This Blog is also available as an RSS Feed
Suid-Afrika se klimaat is by uitstek geskik vir buite leef. Baie van die sonsoekers in Suid-Afrika is gevolglik toegewyde tuinmakers wat baie moeite sal doen om hul buitenshuise areas te omskep in ‘n klein paradysie. Dis dus geen wonder dat Gardinex beskou word as die voorste tuin en buitelewe tentoonstelling in Suid-Afrika nie.
Suid-Afrika se jaarlikse nasionale wetenskapsfees, SciFest Africa, is geskeduleer vir 16 tot 22 April in die mooi en historiese dorp Grahamstad. SciFest Africa gaan meer as 500 gebeurlikhede aanbied, wat insluit interaktiewe uitstallings, werkswinkels, opvoedkundige teater, ‘n kaskar wedren, buitelug uitstappies, laservertonings, wetenskap olimpiades, hoërskool vasvra wedstryde, toere en ‘n stokperdjie uitstalling asook ‘n FilmFest.
Die Sendelingroete al langs die weskus van Suid-Afrika sal reisigers deur ‘n ongelooflike mooi streek van die land neem, met die Atlantiese Oseaan se uitgewaste sandstrande, ruwe berge en bykans oneindige landerye, vrugteboorde en wingerde. Die Sendinggestig Museum in Langstraat Kaapstad is die logiese begin vir so ‘n reis waar reisigers agtergrond kan verkry oor die sendingaksie in Suid-Afrika, wat terselfdertyd die toon sal bepaal waarmee die fassinerende Sendingroete verken moet word.
Suid-Afrika is bekend as ‘n land met onoortreflike wildsoorte, skouspelagtige natuurskoon en ‘n gediversifiseerde kultuur. Om dit alles te ervaar terwyl jy eet, slaap en sosiaal verkeer in ‘n vyfster hotel op wiele, is daar net een opsie ─ die Bloutrein. Hierdie uitsonderlike trein het reeds toeriste, beroemdes, presidente en selfs konings vervoer oor die wydte van Suid-Afrika en is ongetwyfeld die hoogtepunt van reisavonture wat die luuksste akkommodasie en vier-en-twintig uur persoonlike diens bied.
Bien Donné, ‘n skilderagtige plaas geleë tussen Franschhoek en Paarl, sal weer eens die gasheer wees vir die gewilde Suid-Afrikaanse Kaasfees. Die 2008 fees sal plaasvind vanaf 25 tot 28 April en hou die belofte in dat dit selfs beter as tevore gaan wees met ‘n verskeidenheid wat die kieskeurigste smaakkliere sal bevredig. Daar is ook nog die pasmaak om te ervaar en te geniet, terwyl aan legendariese Suid-Afrikaanse kase geproe en gesmul word. Daar is ook nuwe opwindende variëteite, wat tesame met olywe en vars gebakte brood en uitsoek wyne die besoekers sal verlei. Besoekers gaan ook die geleentheid gebied word om Suid-Afrikaanse kase te vergelyk met Hollandse, Franse en Switserse produkte.
Home | South Africa Travel | Lifestyle | Culture | Geo Guide | Community | Site Index | English Blog Index | Afrikaans Blog Index | Establishments Index
Advertising | About Us | Contact Us | Privacy | Use Policy | Submit an Article | Directory
Morocco | Airplanes | Algeria | Auto Racing | Bangladesh | Birds | Musicians | Nepal | Nicaragua | Puerto Rico | Russia | Scotland | Stock Markets | Virtual Countries | Virtual Countries Travel
All Rights Reserved © 1995 - 2008 | NewMedia Holdings, Inc. The South Africa Channel is operated under license to Paley Media, Inc. which is solely responsible for its content, unless expressly provided otherwise. All trademarks and web sites that appear throughout this site are the property of their respective owners. No part of this site shall be reproduced, copied, or otherwise distributed without the express, written consent of Paley Media, Inc. This site is not affiliated with any government entity associated with a name similar to the site domain name.
