This Blog is also available as an RSS Feed

Algemeen

Opwinding wag by die Molweni Privaat Wildreservaat

Natuurliefhebbers wat dit geniet om nuwe dinge te probeer en betrokke te raak kan gerus ‘n rit na die Molweni Privaat Wildreservaat oorweeg. Hierdie besondere wildernisgebied in die Oos-Kaap bied fantastiese akkommodasie en wildlewe en bied ook die geleentheid om ’iets anders’ te probeer.

Die Oos-Kaap het reeds die reputasie vir uitsondelike malaria-vrye wildsekskursies. Die gebied beskik ook oor ‘n besondere verskeidenheid flora en fauna met pragtige landskappe. Die Molweni Privaat Wildreservaat is in die Waterkloof-vallei geleë wat ‘n gebied is met ‘n besondere historiese verband. Die 8ste Grensoorlog, ook bekend as die Oorlog van die Profeet, het hier plaasgevind tussen die Xhosas en Bitse troepe vanaf 1850 tot 1853. Vir diegene wat in geskiedenis geïnteresseerd is, is daar talle plekke van historiese belang in die omgewing. Plekke soos Mundells-krans, Fort Fordyce, Kroomie Heights, Mount Misery, Harry’s Kloof, 10th Pass, Iron Mount en Fullershoek sal bydra tot groter kennis van Suid-Afrika se geskiedenis.

Die Molweni Privaat Wildreservaat se ware aantrekkingskrag is egter die wildsbesigtigingsgeleenthede en ook die geleentheid om betrokke te raak by ‘n egte Nguni bees aanjaagsessie wat baie herinner aan die Amerikaanse ‘roundups’ en ‘cattle drives’ wat oor drie dae en vier nagte strek. Die verskil hier is egter dat jy omring is deur die ware Afrika-bos en wildlewe vir die totale duur van die dryf. Die ander aktiwiteite sluit in wildtoere, perderitte, bergfiets roetes, staproetes, voëlkyk, fotografie, rotsklim en vele meer.

Die eienaars van die Molweni Privaat Wildreservaat het moeite gedoen met die akkommodasie en dit is landelik en gerieflik. Die Amahlati tentkamp verskaf skuiling aan besoekers met ‘n gerieflike bed. ‘n Buitelug stortbad bied ‘n unieke ervaring terwyl die Thandani Centre ‘n gesellige plek is vir gesels en ‘n drankie. Besoek gerus hierdie besondere wildreservaat en ervaar ‘n nuwe avontuur.

 





Combine Flights?













New Business Users, read more and join on the Business Affiliates page.

New Individual Users, join on the Forum Users Registration page.