This Blog is also available as an RSS Feed

Algemeen

SA se nuutste aangewese Mokala Nasionale Park

Mokala is die nuutste Suid-Afrikaanse nasionale park wat deel word van die SA Nasionale Parke-groep. Hierdie 19,611 hektaar grootte park is geleë in die heuwelagtige gebied 80 kilometer suidwes van Kimberley. Kimberley Internasionaal is die naaste lughawe indien ‘n toeris daarheen wil vlieg. Vanaf die lughawe kan ‘n motor gehuur of ‘n toerbus gehaal word na die park.

Die naam Mokala beteken “kameeldoring” in Setswana en baie gepas vir die area waarin die park geleë is. Die kameeldoringboom kom algemeen voor in die droë gebiede en droë bosgebiede van Suid-Afrika. Die Mokala Nasionale Park is ‘n ideale gebied vir hierdie boomsoort. Die park se landskap wissel van oop vlaktes na klein heuweltjies, bekend as koppiesveld. Die kameeldoringbome vorm die stapelvoedsel vir die meeste van die groter diere vir die park. Dele van die park is al eeue lank gebruik deur plaaslike stamme vir tradisionele geneesmiddels vir die behandeling van verkoues, hoes en neusbloeding.

Die Mokala Nasionale Park bied ‘n reeks fasiliteite vir dag- en oornagbesoekers. Dit sluit in ‘n restourant, twee herberge, konferensie fasiliteite en ‘n private landingstrook. Elkeen van die ten volle toegeruste herberge kan dertig oornagbesoekers akkommodeer. Tien kilometer daarvandaan is ‘n kampplek met al die fasiliteite vir gerieflike kampering.

Tans fokus die parkbestuur op konferensiegroepe tot tyd en wyl meer selfsorg eenhede ontwikkel is. Aandag word veral geskenk aan skakeling en daar word ook gesorg dat die paaie in die kamp van goeie gehalte is.

Mokala Nasionale Park is ver van sy volle kapasiteit aangesien beplanning in fases steeds onderweg is. Nuwe ontwikkelings sal insluit areas vir dagbesoekers en selfsorg eenhede. Staproetes, bosbraaie, bergfietsritte en sononder ritte vir besoekers word alles in die vooruitsig gestel. Begeleide perderoetes, dokumentêre vertonings oor wildlewe, sterrekyk, en Boesman-rotskuns toere word verder in die vooruitsig gestel.

Die Mokala Nasionale Park het tans 863 diere wat insluit wit en swart renosters, buffels, kameelperde, elande, sebras, blou en swart wildebeeste, koedoes, steenbokke, duikers, gemsbokke, baster gemsbokke (roan antelope), baster hartbeeste (tsessebe), berg rietbokke en volstruise. Daar is ook sewe endemiese plantspesies by Mokala.

Wanneer u in die omgewing van die Mokala Nasionale Park is, gaan gerus aan en ondersteun hierdie bewaringsentrum van Suid-Afrika.

 





Combine Flights?













New Business Users, read more and join on the Business Affiliates page.

New Individual Users, join on the Forum Users Registration page.