This Blog is also available as an RSS Feed

Algemeen

Vaal Meander

Wanneer mense met skeppende talent byeenkom vir ‘n dinkskrum is die produk gewoonlik ‘n meesterstuk. Dit was ook die geval met die Vaal Meander. Slegs ‘n uur per motor weg van stadsgewoel van Johannesburg is daar ‘n wêreld van mooi gesigte, kreatiwiteit en ontspanning wat reeds ‘n gewilde wegkomplek vir die plaaslike bewoners geword het en ook die volmaakte plek is vir spesiale geleenthede en ‘n kans vir toeriste om die stiller aspekte van Suid-Afrika te ontdek en tog is dit na aan stede en dorpe.

Die gedagte vir die Vaal Meander het ontstaan tussen ‘n groep kunstenaars en vervaardigers van nutsartikels ongeveer veertien jaar gelede. Daar is gesellige akkommodasie vir besoekers wat ‘n paar nagte wil oorbly en die hele streek wil verken. Toere en begeleide wandelroetes bied die geleentheid om al aantreklikhede in die gebied te ontdek. Die roetes bied ook aan besoekers die geleentheid om kunstenaars te sien terwyl hulle werk en kunswerke kan op die perseel van kunstenaars aangekoop word.

Benewens die kunsaspekte is daar ook ‘n verskeidenheid ander fasiliteite soos sport, watersport, booritte, buitenshuise avontuursentra en kunswinkels om maar net ‘n paar te noem. Staproetes deur die skilderagtige landskap bied aan stappers ‘n groot verskeidenheid natuurtonele asook ‘n kykie na die diere wat in die gebied voorkom. Daar word geleenthede van tyd tot tyd gereël en talle sakeonderneming het hulself hier gevestig omdat die Vaal Meander ‘n toerisme infrastruktuur geskep het wat die area bevorder. Die Vaaldam is ‘n gewilde piekniekarea waar gesinne ‘n rustige middag van pret en ontspanning kan ervaar. Vermaak is ook geredelik beskikbaar en restourante in die gebied bied ‘n wye verskeidenheid spyskaarte. Die Vaal Meander het as ‘n toerisme inisiatief begin maar het nou reeds ‘n lewe van sy eie gekry. Om die Vaal Meander te verken is ‘n aangename ervaring waar die natuurskoon en plaaslike kunstenaars in harmonie verkeer.

 





Combine Flights?













New Business Users, read more and join on the Business Affiliates page.

New Individual Users, join on the Forum Users Registration page.