This Blog is also available as an RSS Feed

Algemeen

Volop pret met die Krokodilrivier uitstappie

Slegs 45 minute per pad vanaf die O R Tambo (Johannesburg Internasionale) Lughawe, in die Noordwes Provinsie, is die fassinerende Krokodilrivier-ervaring (Crocodile Ramble) wat die wieg van die Mensdom (Cradle of Humankind) en die reis deur Hartebeespoort insluit. Dis ‘n aangename ontdekkingstog. Wanneer besoekers deur hierdie area wandel, kom hulle ‘n verskeidenheid aktiwiteite tee wat kuns- en handwerk ateljees, tuisvervaardigde juweliersware en meubels, inheemse kwekerye, piekniek- en kampeerplekke, restourante en teetuine, avontuuraktiwiteite, natuurreservate, voëlkyk geleenthede, 4x4 roetes, staproetes en perderitte insluit.

Die talle kuns- en handwerk ateljees sluit in die Akha Moma Museum vir Moderne Kuns, die Firenze Galery en Alice Kunsgalery wat skilderye, beeldhouwerke, geskenke en versamelstukke deur bekende Suid-Afrikaanse kunstenaars uitstal en verkoop. Chris Patton’s Ceramics bied ‘n wye verskeidenheid ornamentele en funksionele ware asook keramiek voëlvoerders aan wat almal in sy ateljee geskep en versier is. Die Mukondeni Fynkunste Ateljee vertoon beeldhouwerke, skilderye, kleipotte en ‘n verskeidenheid funksionele kunswerke deur bekende Suid-Afrikaanse kunstenaars.

Die Wesfort Erfenisdorpie, wat deel van die Krodilrivier-roete vorm, sluit Gauteng se grootste historiese fort in wat terugdateer na 1893. Besoekers kan deur die fort loop en ook deur die negentiende eeuse dorpie waar hulle die 1897 poskantoorwinkel en -kafee kan besoek. Die Erfenis Wandelroete neem besoekers na die 16de eeuse Bavenda klipstat ruïnes, terwyl vars melk en eiers by die gerestoureerde 1898 Van Vuuren-plaas gekoop kan word. Hierdie skilderagtige omgewing word tans ontwikkel tot ‘n dorpie van galerye, teaters en restourante.

Daar is verskeie avontuurlike aktiwiteite vir besoekers wat die Krokodilrivier Ontdekkingsroete volg. Ambisies om in ‘n warmlugballon te vlieg oor die Wieg van die Mensdom en ook die Magaliesvallei kan hier bevredig word, terwyl wild besigtig kan word vanuit die lug. Vir diegene met hoogtevrees is daar wildbesigtigingstoere in Afrika-bosse onder leiding van ingeligte gidse. Daar is ook ‘n geleentheid vir ‘n safari op olifante. Die Elephant Sanctuary bied ‘n tuiste vir ses Afrika-olifante ─ elk met sy eie unieke persoonlikheid ─ en daar is geleentheid om saam met hulle te stap, hulle aan te raak en te voer. Watersport op die Hartebeespoortdam sluit jetski, paraseil, waterglybane en vele meer in. Vir die minder energieke besoekers is daar ‘n gemaklike skemerkelkvaart op die rustige water.

Ostri-San nooi besoekers om die San Boesmans te ontmoet, volstruise te voer en selfs te kyk hoe volstruiseiers in broeikaste uitgebroei word. Handgekerfde en handgeverfde eiers en ook volstruisvel handsakke, beursies, skoene en vele meer kan daar gekoop word. Besoekers aan die Phumangena u Muzi tradisionele Zoeloe-stat kan ‘n tradisionele Zoeloe-maaltyd geniet terwyl hulle met Zoeloedanse vermaak word.

Die Krokodilrivier ontdekkingstog bied ’n groot verskeidenheid aan besoekers en die enigste probleem is om te besluit wat om eerste te doen.

 





Combine Flights?













New Business Users, read more and join on the Business Affiliates page.

New Individual Users, join on the Forum Users Registration page.