Izithakazelo

[Mntongenakudla]

Bandla lakwethu

Mabandla kaMjokwane kaNdaba
Nina bakaPhunga noMageba
Nina beSilo
Nina bakaMthaniya
Nina enimpisholo ngebala - nimhlophe ngenhliziyo!

Nginibingelele bandl' eliphakathi. UmfokaMkhwanazi lona, inkwali yenkosi, uShamase wangempela, uMtubatuba kaSomkhele, uVeyane, uMpangazitha, uMntongenakudla kaNgogwane waKwaDlangezwa, uNdonga uqobo lwakhe.

Mzwakwethu, indaba yezithakazelo lena ingivusa usinga namadlingozi. Kuvele kuthi angishaye uzamthilili woqobo, ngithathe iqhabanga nomdlelo ngigiye ngibize abakithi. Awu suka madoda! Nokuncwada sengincwadile!

Bakwethu, izithakazelo zakithi ziningi kabi. Angikwazi ukuziphimisa ngiziqede kulengosi. Okusemqoka nje ukuthi nginicaphunele ngamafuphi kulenqolobane yomcebo wakwaNdonga.

Akeningitsheleke izindlebe zenu. Nakho ke ngibiza abakithi mina gcokama laseMtubatuba, iwundlu leSilo sohlanga:

Nkwali yenkosi
Nina bakaNkanankana
Unondela mzimb’ owanik’ abafokazana
Bunz’ ekhul’ elagedl’ imihanga
Layigedl’ eMabuzabuzane
Nina bakwaMthakath’ owathakath’ emini
Abanye bethakath’ ebusuku
Nina bakwaNkom’ isengwa ngokuqhubela
Kumabandla kaNjokwe
Nina bakaSakha lukhalweni lwabathakathi
Abakude bobuya khona
Nina bakaMbundu
Nina bakaShiy’ osefile
Nina bakaNdonga
Ngubonhloko
Abanye bazithwele
Abanye bazibelethe
Mpangazitha!
Nin’ eningaweli ngezibuko
Kodwa niwela ngezihlenga zolwandle
Nina basegud’ inkomo
Nina bakaNyamula kaMgabhi kaBohla
Nina bakwaNyathi ijamele kwaMzilikazi
BakwaNtaba kayikhonjwa
Ikhonjwa ngabazakuyakhel’ imizi
Nina bakaMaqhamasela njengelanga
Nina bakwaMtubatuba


Ayidle ishiyele ezinye mzwakwethu.

Okumhlophe kinina nonke babhemu.

Ayinamhlabeli.

uMntongenakudla kaNgogwane waKwaDlangezwa
inkwali yenkosi
umcondo yegusha

Inxangiphilile
KwaDlangezwa
KwelikaMthaniya

[uBoyabenyathi]

Mntongenankundla....... wazisho iibong zakho kwathi cosololo kumina ngaphakathi.

[Mntongenakudla]

Boya benyathi
Mthiyane

Hheshe wena weLembe! Waze wangikhumbuza umngani wami ovuth' ekhaleni. Naye ngowakwaNdlovu.

Angibonge kuwena nsizwa yamabutho. Wena wakwaNdlovu,

Gatsheni!
Boya benyathi!
Buyasongwa buyasombuluka.
Mpongo kaZingelwayo!
Nina bakwaNdlovu zidl' ekhaya,
Ngokweswel' abelusi.
Nina bakwaKhumbula amagwala.
Nina bakwaDemazane ntombazane
Nina bakwaSihlangu sihle.
Mthiyane!
Ngokuthiy'amadod'emazibukweni.
Nina bakwaMdubusi!

Ayidle ishiyele ezinye

uMntongenakudla kaNgogwane waKwaDlangezwa
inkwali yenkosi
umcondo yegusha

Inxangiphilile
KwaDlangezwa
KwelikaMthaniya

[uBoyabenyathi]

Mntongenankundla....(excuse my spelling!) Ukuphi usekhaya noma usemazweni? Thina basintshinga kwelika undlovu kay'phikiswa, uBush lowo.

[Mntongenakudla]

Gatsheni

Nsizwa yamabutho! Igcokama likaSomkhele lisekhona la kwelikaMthaniya. Ngisadla ngoludala wethu. Ngisashaya uzamthilili woqobo!

Ave niyajabula nina esenivuleke umqondo ngokuwela phesheya kwezilwandle. Thina sisazidlela wona umoba wethu lo.

Phila kodwa zinyane leSilo.

uMntongenakudla kaNgogwane waKwaDlangezwa
inkwali yenkosi
umcondo yegusha

Inxangiphilile
KwaDlangezwa
KwelikaMthaniya

[uBoyabenyathi]

Ya khona umqondo uyavuleka umanagabe ungahlaleli ndawonye kodwa ngizosho into ibe inye vo, there's no place like home. Kuyasho khona ukuthi sihleli kwelaba mhlophe bayohlala besibukisa okwezi gqila kuyoze kuthi nkwe.
Siyanikhumbula bo lapho ekhaya, siyanithanda futhi. Ukhonze kubobonke(obani bona? angazi!)

[mbokazi]

yemadoda madoda,uyazi uma nithinda indaba yezithakazelo ngifikelwa ngumunyu nosizi uma ngicabanga ukuthi mina ezakithi ibongo zakwaMbokazi angizazi, ngivese ngifise sengathi nami ngingazibiza kuhle kwenu izibongo zakwaDonda.

Ngicela ningisize zakwethu ningitholele izithakazelo zakwaMbokazi,nginga jabula kakhulu.

Obhalile,uMbokazi.