Izithakazelo

[welanga]

I am glad to see ukuthi kusekhona abantu abane interest namasiko ethu.Nanzi ke mfethu izithakazelo zakwa Ndlovu
IZITHAKAZELO ZAKWA-NDLOVU

Gatsheni!
Boya benyathi!
Buyasongwa buyasombuluka.
Mpongo kaZingelwayo!
Nina bakwandlovu zidl' ekhaya,
Ngokweswel' abelusi.
Nina bakwakhumbula amagwala.
Nina bakwademazane ntombazana
Nina bakwasihlangu sihle.
Mthiyane!
Ngokuthiy'amadod'emazibukweni.
Nina bakwaMdubusi!




--------------------------------------------------------------------------------

[Umuth'ongothiwa]

Kuyangithokozisa impela ukuthola ukuthi kusekhona abantu bomdabu abazigqaja ngemvelaphi yabo.

Mina,NgiwuNcobela,
Shawuza,
uShawuz'oshisayo,
Oshis'emuva nangaphambili,
Uqobodwana,
Usomdibela,
Umuth'ongothiwa;
uSikhunyana indodana kaShaka,
Umnguni,
uthanda-thanda banjani?
--------------------------------------------------------------------------------------------------------
Ngiyabuya ngisayobona ikhehle lakwa Ncobela lingitshele kakhe.

Zinqamulwa amakhanda ziyekwe!!!!

[Umuth'ongothiwa]

Kuyangithokozisa impela ukuthola ukuthi kusekhona abantu bomdabu abazigqaja ngemvelaphi yabo.

Mina,NgiwuNcobela,
Shawuza,
uShawuz'oshisayo,
Oshis'emuva nangaphambili,
Uqobodwana,
Usomdibela,
Umuth'ongothiwa ngiyawufuna
kukhon'intombi engiyibonile
wentombi uthanda-thanda abanjani?,

Ngifun'iSikhunyana somlilo ovuthayo,
ngishiy'uMaZulu ungigay'utshwala
ngoba ngilibhekise emshadweni womlami wami.
Uhambile uMuth'ongothiwa ukuyobheka lo ntokazi ehlathini.

Uqobo lwakhe uSomdibela ngizwa ngezinja zikhonkotha,
uMnguni omkhulu umshiyile umfo ka khehle, ngoba intsizwa zibiziwe entabeni.
Afikile amabutho kaShaka emfuna kodwa akatholakalanga.

Sesizwa ngezigi kanti Umnguni omncani uyagida,imvumile intombi.
Nango ebizi zinja zakhe
ethi: "nco-nco-nco-nco-nco-nco-nco-nco-nco-nco".

Basho bancama Umnguni omkhulu namabutho enkosi
bathi: u "nco(uMnguni omncani)" ube la ,
u "nco" ube la ,
u "nco" ube la ,
u "nco" ube la,
uNcobela,
uNcobela,
uNcobela

--------------------------------------------------------------------------------------------------------
Zinqamulwa amakhanda ziyekwe!!!!

[Ncobela]

Ngiyabonga Muth'ongothiwa,ngizokutshela ezinye izithakazelo zakwaNcobela.

[mbokazi]

Nazi ezakwethu

Mbokazi,Donda,Nxele,Sontuli,Hlamukazi,ulwandle aluwelwa luwelwa zinkonjane zona ziphapha phezulu emafini,uphangela kobhongo koqhoqhoqho ,umlamlankunzi ngabe uziyekile zabulalana,Hlamukazi kaMdaka,Umdaka usezintangeni,wena owasephulamuthi uphekiwe endlini kamantombase,abakaphangela abaphangela izinkomo zamadoda lathi ilanga liphuma labe liphuma nezinkanzi zamadoda.

[Mthimbane]

Ngizwe ibika, ngasabela ngokuphons' itshe esivivaneni.
Nangu uBhengu simusho:

BHENGU

Ngcolosi!
Wena wakwaDlabazane,
KaNgwane, kaNephu kaLamula,
Nyawo zigezwa ngamazolo.
Nina enivuka nixubhe ngelala,
Shongololo!
Wathi uyalithinta lahwaqabala
Ngabe siyakudla sesab'imilenzelenze,
Nyawo zeshongololo kaziphumuli.
Sigampu
Ngwane, ingwani ngwadi.
Abayibone ngesond'ukuthi iwelile.
Jali!
Nina enilala nomunwe,
Nivuke nikhwif'ilanga.
Mmemezi kaHlangabeza!
Ngcolosi!

[curiousmind]

Intombi yakwaNjomane le

Makhedama!
Soyengwase!
Nina bakaShebhe kaMthendeka
Nina bakaSoqubele onjengegundane Nina baseSiweni
KwaMpuku yakwaMselemusi KwaNogwence webaya
Zingwazi zempi yakwaNdunu Njoman' eyaduk'iminyakanyaka Yatholakal'onyakeni wesine
Yabuye yatholakala ngowesikhombisa Langeni
Owavel' elangeni.


I need help though.
Any of you know izithakazelo zakwaMbhele?