Announcement

Collapse
No announcement yet.

Izithakazelo

Collapse
X
 
  • Filter
  • Time
  • Show
Clear All
new posts

  • #46
    IZITHAKAZELO ZAKWA-DLAMINI

    Nkosi! Hlubi!
    Ludonga lukaMavuso,
    Abay'eMbo babuyelela.
    Abasidwaba weza nonina.
    Abengomane yaseMavaneni,
    Abaqed'uBombo ngokuhlehlezela,
    AbakwaSibhahuza
    SikaMabhanda eMpondweni.
    Inkonekaz'evele ngobusw'emgedeni.
    USamkethe, esinembay'emaLangeni,
    UMswazi kaSobhuza.
    Mlangeni!
    Nina bakwaKusa nelanga
    Nina bakwaWawawa.
    Lokothwayo!
    Sibalukhulu!
    Nina beNgwane,
    Nina besicoco sangenhlana.
    Kunene!

    Comment


    • #47
      IZITHAKAZELO ZAKWA-MKHIZE

      Gubhela! Gcwabe!
      Wena kaZihlandlo!
      Wena kaKhabazela kaMavovo!
      Mumbo omhlophe
      okhany' amasi esiswini!
      Nhlama eyaphelel' etsheni
      ngokubadaphunela.
      Ngunezi
      Bambo abambulazi,
      Abadl'umuntu bemyenga ngendaba
      Sibi side esimajembelezana,
      Sibi side esimaphandla
      esaphandl' abeNguni bavungama
      Nina bengwaz' emabhudle
      Eth' isabhudla
      yabuye yaphinda yabhudla
      Malala amahle
      Nin' enalala nomunwe
      Navuka nakhwif' ilanga.

      Abanye bakwa-Mkhize bathi:

      Gubhela! Gcwabe!
      Khabazela kaMavovo,
      Nhlama eyaphelel'etsheni,
      Ngokubadaphunela.
      MuMb'omhlophe!
      Sibi-side esimaphandla,
      Esaphandla abanguni bavungama.
      Mbo, uMbulazi okhanya amasi esiswini.
      Mbo, uMbulazi odla umuntu,
      Emyenga ngendaba.
      Enalala nomunwe,
      Navuka nakhwif'ilanga!
      Nzalo kaSambela!
      Nina baseMbo,
      Nina bakaSidaphudaphu,
      Ngokubadaphunela!
      Nzalo kaLuzalo
      Nzalo kaZelize!

      Comment


      • #48
        I think I have contributed enough to make request!

        abakwaMhlongo bathini bona?

        Comment


        • #49
          Cendani ngezithakazelo eziphelele zabathembu abazalwa nguNodada isizukulwana sikaNyandeni (Mvelase) kaMabaso kaMntungwa kaMbulazi.

          Nezakwa Khambule - Mzilankatha, Mlotshwa, Msuthu owaqonda ilanga




          Mthimbane

          Comment


          • #50
            Sizani

            Sizani ngezithakazelo zeNkosi uShaka
            Mbokazi,Donda,Nxele,Sontuli,Hlamukazi,ulwandle aluwelwa luwelwa zinkonjane zona ziphapha phezulu emafini,uphangela kobhongo koqhoqhoqho ,umlamlankunzi ngabe uziyekile zabulalana,Hlamukazi kaMdaka,Umdaka usezintangeni,wena owasephulamuthi uphekiwe endlini kamantombase,abakaphangela abaphangela izinkomo zamadoda lathi ilanga liphuma labe liphuma nezinkanzi zamadoda.

            Comment


            • #51
              i'bongo zenkosi uShaka kaSenzangakhona

              Nami Mfwethu yizo lezi bengizw' abomkhulu bezisho!
              __________________________________________________________________________________

              UDlungwana kaNdaba!
              UDlungwana woMbelebele,
              Odlung' emanxulumeni,
              Kwaze kwas' amanxulum' esibikelana.
              UNodumehlezi kaMenzi,
              USishaka kasishayeki kanjengamanzi,
              Ilemb'eleq' amany'amalembe ngokukhalipha;
              UShaka ngiyesab' ukuthi nguShaka,
              UShaka kuyinkosi yasemaShobeni.
              UNomakhwelo ingonyama;
              UMahlom' ehlathini onjengohlanya,
              Uhlany' olusemehlwen' amadoda.
              UDabaz' ithafa ebeliya kuMfene;
              UNomashovushovu kaSenzangakhona,
              UGaqa libomvu nasekuphatheni.
              UBholokoqa bazalukanisile,
              Zalukaniswe uNoju noNgqengenye,
              EyakwaNtombazi neyakwaNandi;
              Yayikhiph' eshoba libomvu,
              Ikhishwa elimhlophe lakwaNandi.
              Bambiz' eMthandeni beyisela,
              Bathi 'Singesinelane neNtungwa lasenhla',
              Kanti uzawudl' uPhakathwayo emphindelweni.
              UVumavumane lukaphephe,
              UDlungwana wavuma na?
              Umvumeleni uGodolozi,
              Ethi ngowanganeno kwaNandi,
              Kant' ukude kwaNtombazana?
              Ilanga eliphahl' elinye ngemisebe,
              Kalokhu liphahl' eliseMthandeni.
              Amazwi mabili engiwabongayo,
              Ngibong' elikaMpandaba nelikaNdungenkomo,
              Bethi "Ucu aluhlangan' entanyeni";
              Akenibuze kwabaseZinkondeni,
              Bath'uHilwayo bayakumhlaba kwaHlokohloko,
              Kwaf' amasi kwaf' uqephe.
              Teku lwabafazi bakwaNomgabhi,
              Betekula behlez'emlovini,
              Beth' uShaka kakubusa kakuba nkosi,
              Kant' unyakan' uShaka ezakunethezeka.
              Inkom' ekhal' eMthonjaneni,
              Izizwe zonke ziyizwil' ukulila,
              Izwiwe uDunjwa waseluYengweni,
              Yezwiwa uMangcengeza wakwaKhali.
              UMlilo wothathe kaMjokwana;
              UMlilo wothathe ubuhanguhangu,
              Oshis' izikhova eziseDlebe,
              Kwaya kwasha neziseMabedlana.
              Odabule kuNdima noMgovu,
              Abafaz' abenendeni baphuluza;
              Imikhubulo bayishiy' izinqindi,
              Imbewu bayishiya semahlangeni,
              Izalukazi zasala semanxiweni,
              Amaxhegu asala semizileni,
              Iziqu zemithi zabheka phezulu.

              Comment


              • #52
                Nazi ezamaNtungwa (ezifinqiwe)

                AbakwaKhumalo bona bathi:

                Okhatshwe ngezind'izinyawo
                Nangezimfushanyana;
                UMkhatshwa wawoZimangele,
                Mntungwa!
                Mbulaz'omnyama
                Abathi bedl'umuntu,
                Bebe bemyenga ngendaba.
                Abadl'izimf'ezimbili,
                Ikhambi laphuma lilinye.
                Lobengula kaMzilikazi,
                UMzilikazi kaMashobana;
                Shobana noGasa kaZikode,
                Zikode kaMkhatshwa.
                Mabaso owabas'entabeni,
                Kwadliwa ilanga lishona
                Bantungw'abancwaba!
                Zindlovu ezibantu,
                Zindlovu ezimacocombela.
                Nina bakwaMawela,
                Owawel'iZambezi ngezikhali.
                Nina bakaNkomo zavul'inqaba
                Zavul'inqaba ngezimpondo,
                KwelaseNgome.
                Nina enal'ukudl'umlenze
                KwaBulawayo!
                Mantungwa aluhlaza!
                Mantungw'amahle!
                Bantwana benkosi,
                Nina bakwaNtokela!
                Inkubele abayihlabe ngamanxeba,
                Abamkhule ngezinyawo ezimfushanyana,
                Nezimaqhukulwana.
                Inyang' abathe beth' ifil'uZulu,
                Kanti isiyetheswe,
                Yetheswe ngoNyakana ka Mpeyana.
                UBando abalubande balushiy' uZulu.
                UNyama yentini yawo Zimangele.
                UNkomo zavul'inqaba ngezimpondo,
                Ngoba zavul'iNgome zahamba.
                UNtshwintshwintshwi kaNoyanda noNdaba;
                UNkone evele ngobus' emdibini,
                Yal' ukudl'umlenze kwaBulawayo.
                Ndabezitha!
                Maqhaw'amakhulu


                _______________________________________________________________

                Ngicela abazi ezamaShenge kaNdaba bangisize bo!

                Comment


                • #53
                  ABakwaMdlalose

                  ABakwaMdlalose

                  Nyanda wephandla
                  Khwenta, Madlula, Mgabashe
                  Bhudukuziwisa
                  Phangakufa, Dikane
                  Wena wephahla elinhloko-nhle
                  Sphungulo sayongoye
                  Magutshwa laph engefekhona
                  Wena kanhlangothi zibomvu amanxela
                  Wena webhaca elithanda impi ngoba ladla
                  uDayi kaSkhova

                  abazukulu kaFasile, kaMpiwenzani, kaThondolozi,
                  kaNhlaka. (Yikhohlwa lendlu kaNhlaka. Indlunkulu yakhona iNengiseni kaSekethwayo inkosana kaNhlaka. bakhona futhi abakwaMdlalose abaziwa ngo-Jomela. kuseyibo bakhona. Phela, uJomela wakhulela ekhakonina. Ngiyethemba uzoneliseka (Phela uFasile uzalwa yindodakazi kaZiwedu, kaMpande khona le endlunkulu)

                  Comment


                  • #54
                    Ngibuyile

                    Kwathula nje baphi abantu?
                    Mthimbane ngangithe ngizozama izithakazelo zabathembu
                    so here goes:

                    Mvelase
                    Nin'enavel'eNyandeni
                    Ngomthwalo wakwaMabaso
                    Nina bakwaGogolazitha
                    Nina bakwaNobasali
                    Nina bakwaVezi uNonyanda
                    Nina bakaNgoz'akakhokhobi
                    Ngoba wakhokhobel'izinkomo zamadoda
                    Nina bakaVezi kaMandulo
                    Nina bakaNotsele kaNodada
                    Nina bakaSibhuzikazi simayikayika
                    Nina bakaPhumuz'abant'amaphiko
                    BaThemb'abaseng'inkom'izele
                    Nina bakaGude
                    Nonjolo!
                    Madl'amathiban'indlal'iwile
                    Nina bakoNonyezi
                    Amahwanq'amakhulu
                    Nina baseQhudeni
                    Ngokudl'iqhude lifile
                    Khathide!
                    Maphanga!
                    Zakwe!
                    Kunene!
                    Jubane!
                    Sobuyase!

                    Ngiyethemba ngishaye khona.

                    Comment


                    • #55
                      Ngabuya futhi

                      ezakwa Khambule

                      Mncube!
                      Mzilankatha!
                      Nina bakwaNkomo zilal'uwaca
                      Ezamadojeyana zilal'amankengana
                      Mlotshwa!
                      Malandel'ilanga
                      Mpangazitha!
                      Magosolo!
                      Nina basebuhlen'obungangcakazi
                      Abadl'umbilini wenkomo kungafanele
                      Kwakufanel'udliwe ngabalandakazi
                      Nina bakaDambuza Mthabathe
                      Nina basemaNcubeni
                      Enabalekel'uShaka
                      Naziphons'emfuleni
                      Kwakhuz'abantu banifihla
                      Naphenduk'abakwaKhambule
                      Nafik'eSwazini
                      Naphenduk'uNkambule
                      Nina baseSilutshana
                      Nin'enakhelana noMbunda
                      Nina bakaMaweni

                      Comment


                      • #56
                        Re: eLangeni

                        Thina bakwa Mhlongo sithi

                        Makhedama!
                        Soyengwase!
                        Nina bakaBhebhe kaMthendeka
                        Nina bakaSoqubele onjengegundane
                        Nina baseSiweni
                        KwaMpuku yakwaMselemusi
                        KwaNogwence webaya
                        Zingwazi zempi yakwaNdunu
                        Njoman'eyaduk'iminyakanyaka
                        Yatholakal'onyakeni wesine
                        Yabuye yatholakala ngowesikhombisa
                        Langeni
                        Owavel'elangeni.
                        #
                        #
                        #
                        Ngaphandle ke uma ngingatshelwanga kahle ekhaya.

                        Comment


                        • #57
                          Nkosi

                          Ndlangamandla!
                          Mtungwa!
                          Mawandla kaNdlela
                          Nina baseMandlovini
                          Mlotshwa!
                          Siwela
                          Mphazima kaLanga
                          Nina bakwaLanga libomvu
                          Elashis'amabel'ezikhuthali
                          Mabuya sezembethe'ugogwane
                          Mlotshwa akangakanani
                          Ngoba nasentendeni yesandl'uyahlala
                          Owaphath'induku'emnyama
                          Washay'amanzi kwavel'udaka
                          Nkonjane yenkosi
                          Mpangazitha!

                          Comment


                          • #58
                            ezakwaMbokazi eziphelele

                            akwande nina bakwaPhunga noMageba,nina bakwaZulu,Zulu omnyama,Zulu kaMalandela,nina bendabuko,nina enadabuka enhlabathini yeAfrika,nina enibangiswa ezweni lenu kuthiwa izwe lethu nathi, esho umuntu ebalekela ilanga ngentwasa hlobo,uzibuze uthi habe nangu umuntu engihlolela!!

                            ngicela ningisize bafowethu ngezibongo eziphelele ezakwa

                            Mbokazi
                            Donda
                            Nxele
                            Sontuli
                            Hlamukazi
                            ulwandle aluwelwa luwelwa zinkonjane zona ziphapha phezulu emafini
                            uPhangela kobhongo koqhoqhoqho
                            umlamlankunzi ngabe uziyekile zabulalana
                            Hlamukazi kaMdaka
                            Umdaka usezintangeni
                            wena owasephulamuthi uphekiwe endlini kamantombase
                            abakaphangela abaphangela izinkomo zamadoda lathi ilanga liphuma labe liphuma nezinkanzi zamadoda
                            Mbokazi,Donda,Nxele,Sontuli,Hlamukazi,ulwandle aluwelwa luwelwa zinkonjane zona ziphapha phezulu emafini,uphangela kobhongo koqhoqhoqho ,umlamlankunzi ngabe uziyekile zabulalana,Hlamukazi kaMdaka,Umdaka usezintangeni,wena owasephulamuthi uphekiwe endlini kamantombase,abakaphangela abaphangela izinkomo zamadoda lathi ilanga liphuma labe liphuma nezinkanzi zamadoda.

                            Comment


                            • #59
                              Originally posted by Zamanjomane
                              Thina bakwa Mhlongo sithi

                              Makhedama!
                              Soyengwase!
                              Nina bakaBhebhe kaMthendeka
                              Nina bakaSoqubele onjengegundane
                              Nina baseSiweni
                              KwaMpuku yakwaMselemusi
                              KwaNogwence webaya
                              Zingwazi zempi yakwaNdunu
                              Njoman'eyaduk'iminyakanyaka
                              Yatholakal'onyakeni wesine
                              Yabuye yatholakala ngowesikhombisa
                              Langeni
                              Owavel'elangeni.
                              #
                              #
                              #
                              Ngaphandle ke uma ngingatshelwanga kahle ekhaya.


                              PLEASE Check you Private Messages

                              Comment


                              • #60
                                IZITHAKAZELO ZAKWA-NDLOVU

                                Gatsheni!
                                Boya benyathi!
                                Buyasongwa buyasombuluka.
                                Mpongo kaZingelwayo!
                                Nina bakwandlovu zidl' ekhaya,
                                Ngokweswel' abelusi.
                                Nina bakwakhumbula amagwala.
                                Nina bakwademazane ntombazana
                                Nina bakwasihlangu sihle.
                                Mthiyane!
                                Ngokuthiy'amadod'emazibukweni.
                                Nina bakwaMdubusi!

                                Comment

                                Working...
                                X